Faoliyatini qonuniylashtirish borasida tushuntirish ishlari olib borildi

Yo‘lovchi tashishga qo‘yilgan talablar ijrosi hamda sohada qonun ustuvorligini ta’minlash maqsadida viloyat miqyosida qo‘shma reyd tadbirlari olib borilmoqda.

Unda O‘zbekiston Respublikasi Transport vazirligi huzuridagi Transport nazorati inspeksiyasi Avtomobil transportida nazorat Samarqand viloyat hududiy bo‘limi hamda IIB JXX YHXB xodimlari tomonidan aholiga transport xizmatini ko‘rsatuvchi transport vositalari ko‘zdan kechirilmoqda.

Qo‘shma reyd davomida tegishli litsenziyaga ega bo‘lmasdan yo‘lovchilarga pullik transport xizmati ko‘rsatish holatlari aniqlanib, ularga belgilangan tartibda ma’muriy bayonnomalar rasmiylashtirilmoqda. Shuningdek, haydovchilar o‘rtasida faoliyatini qonuniylashtirish borasida tushuntirish ishlari olib borildi.

Hurmatli fuqarolar! Unutmang, avtomobil transportida tegishli litsenziyaga ega bo‘lmasdan yo`lovchilarga pullik xizmat ko‘rsatish qonunga xilof!