O`rindiqlar tartibga keltirildi

Ijtimoiy tarmoqlarda 20-sonli “Temiryo‘l ABB - Sho‘rboyi mahallasi” shahar avtobus yo‘nalishida harakatlanuvchi, davlat raqami belgisi 30/884 FBA bo‘lgan transport vositasida o‘rindiqlar olib tashlanganligi, sanitar jihatlarga e’tibor qaratilmaganligi yuzasidan murojaat tarqaldi.

Samarqand viloyati transport boshqarmasi xodimlari shahar avtobus yo‘nalishlaridagi kamchiliklarni bartaraf etish maqsadida “Azizavtoyo‘lovchitrans” mas’uliyati cheklangan jamiyati avtosaroyida bo‘lishdi. Unda muhokamalarga sababchi bo‘layotgan muammolarni bartaraf qilish yuzasidan choralar ko‘rildi. Olib tashlangan o‘rindiqlarni qayta o‘rnatilib, avtobuslarning ichki va tashqi jihatdan tozaligiga e’tibor qaratildi. Haydovchilar o‘rtasida yo‘l harakati qoidalariga amal qilish, yo‘lovchilar bilan samimiy munosabatda bo‘lish yuzasidan tushuntirish ishlari olib borildi.