501 нафар фуқаро Самарқанд халқаро аэропортида кутиб олинди

Россия Федерациясининг Қозон ва Екатеренбург шаҳарларидан учган 501 нафар юртдошларимиз Самарқанд халқаро аэропортида кутиб олинди.

Жорий йилнинг 3 август куни Самарқанд халқаро аэропорти Қозон ва Екатеренбург шаҳарларидан амалга оширилган чартер парвозларни қабул қилди.

3 та чартер рейс орқали 501 нафар юртдошларимиз манзилга хавфсиз келтирилди. Барча йўловчилар Махсус комиссия томонидан белгиланган тартиб-қоидалар асосида вилоят транспорт бошқармаси томонидан ташкил этилган махсус автобусларда Самарқанд шаҳридаги (Кимёгарлар шаҳарчаси) карантин марказига олиб борилди.

Йўловчиларга санитария қоидаларига риоя қилган ҳолда ҳамда пандемия тарқалишининг олдини олиш бўйича барча чоралар қўлланилиб хизмат кўрсатилди.