2024-yilda tramvay yo'nalishlarida 3 000 000 yo'lovchi tashilgan

Samarqand viloyati Matbuot uyida jurnalist va blogerlar ishtirokida matbuot anjumani bo‘lib o‘tdi. Unda viloyatda hamda Samarqand shahrida aholiga transport xizmatlarini ko‘rsatishda olib borilayotgan ishlar yuzaisdan ma’lumot berildi.

Bugungi kunda viloyatda 348 ta yo‘nalishda 2 772 ta transport vositalari belgilangan yo‘nalishlarda, 18 232 ta fuqaro o‘zini-o‘zi band qilgan holda 18 615 ta transport vositasi bilan yo‘nalishsiz (o‘zini-o‘zi band qilgan) taksi sifatida xizmat ko‘rsatib kelmoqda.

Ma’lumot uchun: 537 tasi (19,4%) avtobus, 147 tasi (5,3%) mikroavtobus, 2 088 tasi (75,3%) “Damas” rusumli transport vositalari faoliyat ko‘rsatmoqda.

Shuningdek, 89 ta korxona 489 ta TT raqamli yengil avtomashinalar bilan yo‘nalishsiz taksi sifatida aholi xizmatida.

Yo‘lovchi tashish sohasida tadbirkorlar soni: 208 ta, shundan: avtobus -38 ta, mikroavtobus – 11 ta, Damas – 70 ta va yo‘nalishsiz taksi – 89 ta.

2024-yil davomida viloyat bo‘yicha 119 ta yangi zamonaviy avtobus (94 ta elektrobus, 25 ta avtobus) va 13 ta mikroavtobus olib kelinib, yo‘lovchi tashish yo‘nalishlariga chiqarildi.

Samarqand viloyati transport boshqarmasi muassisligidagi “Samarqandyo‘lovchitrans” DK balansida 100 ta elektrobus mavjud. Mazkur elektrobuslar uchun 50 ta quvvatlantirish qurilmalari olib kelinib, o‘rnatilgan. Ushbu elektrobuslar bugungi kunda brutto-shartnoma asosida 9 ta yo‘nalishlarga biriktirilgan.

2024-yilda DK tomonidan 2 883,3 ming yo‘lovchi (2023-yilga nisbatan 84,7 foiz ko‘p) tashilgan.

Samarqand shahrida “Tramvay liniyalarini ekspluatatsiya qilish direksiyasi” DK tomonidan 2 ta yo‘nalishda, ya’ni 1-sonli “Temiryo‘l vokzali–Sartepa massivi” va 2-sonli “Temiryo‘l vokzali–Siyob bozori” yo‘nalishlari orqali yo‘lovchilarga xizmat ko‘rsatilmoqda.

Ma’lumot uchun: “Tramvay liniyalarini ekspluatatsiya qilish direksiyasi” DK tomonidan bir kunda o‘rtacha 10 500 nafar yo‘lovchi tashiladi.

2024-yil davomida jami 3 mln. yo‘lovchi tashildi, shundan bepul tashilgan yo‘lovchilar soni 64 ming nafarni tashkil etdi.

2025-yilning 1-choragi davomida 600 ming yo‘lovchi tashilishi kutilmoqda.

Kelgusida “Temiryo‘l vokzali - Siyob bozori” tramvay yo‘nalishidagi mavjud kamchiliklarni bartaraf etib, yo‘nalishni to‘la quvvat bilan ishlatilishi natijasida bir kunlik yo‘lovchi tashish sonini 14 mingtagacha yetkazilishi rejalashtirilgan.

O‘zbekiston Respublikasi Prezidentining 2023-yil 16 fevraldagi “Jamoat transporti tizimini isloh qilish chora-tadbirlari to‘g‘risida” qarorining ijrosini ta’minlash, aholining yuqori sifatli va qulay yo‘lovchi tashish xizmatlariga bo‘lgan ehtiyojlarini to‘liq qondirish, sohada bozor tamoyillarini joriy etish, xususan moliyalashtirish tizimi va tarif siyosatini takomillashtirish orqali xususiy sektor uchun jozibali biznes muhitini yaratish maqsadida bugungi kunda Samarqand shahar avtobus yo‘nalishlaridan 20 tasi tender tanlovlari asosida xizmat ko‘rsatish istagini bildirgan tashuvchilar bilan Brutto-shartnomasi imzolandi.

Ma’lumot o‘rnida: “Samarqandyo‘lovchitrans” DK - M1-sonli “Temiryo‘l ABB–Aeroport”, M2-sonli “Hazora ABB-Samarqand tumani shifoxonasi”, M3-sonli “Do‘stlik mahallasi-Cho‘pon ota avtovokzal”, M4-sonli “Temir yo‘l ABB–Siyob ABB”, M5-sonli “Temiryo‘l ABB-Siyob bozor-Universitet xiyoboni-Temiryo‘l ABB (soat ko‘rsatgichi bo‘yicha halqa yo‘nalish)”, M15-sonli “Temiryo‘l ABB-Universitet xiyoboni-Siyob bozor - Temiryo‘l ABB (soat ko‘rsatgichiga qarshi halqa yo‘nalish), M12-sonli “Siyob ABB-Hazora ABB”, T3-sonli “Universitet xiyoboni-Nayman ko‘chasi-Universitet xiyoboni” (soat ko‘rsatgichiga qarshi halqa yo‘nalish) va T4-sonli “Temiryo‘l ABB-Nayman ko‘chasi-Temiryo‘l ABB(soat ko‘rsatgichi bo‘yicha halqa yo‘nalish)”

“Marokand trans 777” MCHJ -15-sonli “Temiryo‘l ABB-Kimyo zavodi”, 27-sonli “Temiryo‘l ABB-Obod maskan mahallasi”, 30-sonli Obod maskan mahallasi-Zafarobod mahallasi”, 31-sonli ““Aziz kafesi”-Samarqand tuman shifoxonasi”, 52-sonli “Sartepa mahallasi-Zarafshon mahallasi”, 70-sonli “Sartepa mahallasi-O‘rmon xo‘jaligi”, 74-sonli “Sartepa mahallasi-Siyob ABB”, 256-sonli “Farhod qo‘rg‘oni-Aeropot”

“Navobod trans” MCHJ - 20-sonli “Qorasuv massivi-Yangihayot mahallasi”

“Dilshodtransservis” MCHJ - 22-sonli “Pistamozor mahallasi-Temiryo‘l ABB”

“Toxir R” MCHJ - 87-sonli “Sartepa maskani-Universitet xiyoboni”

Shuningdek, 4, 6, 7, 8, 9, 12, 24, 37, 60, 71, 73, 91, 99 sonli yo‘nalishlarda Isuzi rusumli avtobuslar harakatlanyapti. Hozirda Samarqand shahar transport Bosh rejasidan o‘rin olgan yo‘nalishlarga yangi avtobuslar olib kelish hamda joylashtirish yuzasidan tadbirkorlik subyektlari bilan ish olib borilmoqda.

Bundan tashqari, viloyatda, Toshkent-Samarqand, Toshkent-Payariq, Toshkent-Jo‘sh, Navoiy-Ziyovuddin shaharlararo yo‘nalishlarida muntazam avtobus qatnovlari yo‘lga qo‘yilgan.

2025-yildagi rejalar:

- mahalliy tadbirkorlik subyektlari tomonidan olib kelinishi rejalashtirilgan 112 ta zamonaviy avtobus va 80 ta mikroavtobuslarni yo‘nalishlarga joylashtirish;

 

- Samarqand shahridagi 23 ta yo‘nalishga elektron tender o‘tkazilib, cheklangan tariflar bo‘yicha yo‘lovchilar tashishni bosqichma-bosqich brutto-shartnoma asosida xizmat ko‘rsatilishi ta’minlash;.

- viloyatda joylashgan 1 ta avtostansiya va 34 ta avtobus bekatlarida qurilish va ta’mirlash ishlarini olib borish;

- Samarqand tumanida 2 ta, Oqdaryo tumanida 1 ta avtostansiya tashkil etish, Narpay tumanida mavjud avtostansiyani rekonstruksiya qilish;

- avtobuslar uchun 11,2 km alohida yo‘lak tashkil etish;

- Samarqand shahri, Cho‘pon ota qo‘rg‘onida yangi zamonaviy avtovokzal qurilishi yakunlanib foydalanishga topshirish;

- jamoat transporti yetib bormagan MFYlarni qamrab olish maqsadida 12 ta yangi yo‘nalishlar tashkil etish;