25 та йўналишли такси, 12 та автобус йўналиши, рейдлар, жарималар

Жорий йилнинг 1 июнига қадар “Шаҳар, шаҳар атрофи ва шаҳарлараро вилоят ички йўналишларида йўловчилар ташишни ташкил этиш комиссияси”нинг тўққиз маротаба йиғилиши бўлиб ўтди.

Аҳолига қулай бўлган транспорт йўналишларини ташкил қилиш мақсадида ўтказилган очиқ тендерларда жами 88 та йўналишлар кўриб чиқилди. Ушбу йўналишларга 70 та автобус ҳамда 18 та йўналишли такси йўналишлари жойлаштирилди. Шундан қишлоқларни туман марказлари билан ҳамда туман марказларини вилоят марказлари билан боғлайдиган жами 37 та янги йўналишлар ташкил қилинди. Жумладан, 25 та йўналишли такси ва 12 та автобус йўналишлари йўлга қўйилди.

Самарқанд вилояти транспорт бошқармаси ҳамкор ташкилотлар билан биргаликда ноқонуний йўловчи ташишнинг олдини олиш мақсадида қўшма рейд тадбирлари олиб бормоқда. Жумладан, 2021 йил 1 июнь ҳолатига вилоят миқёсида ИИБ ЙҲХБ билан ҳамкорликда 379 та қўшма рейд тадбирлари ўтказилиди. Натижада жами 1 563 та автомобиль транспортида йўловчи ва юк ташиш фаолияти билан лицензиясиз шуғулланиш ҳолатлари аниқланган. Уларга белгиланган тартибда, яъни МЖтКнинг 176³ моддасига асосан маъмурий баённомалар расмийлаштирилиб, қонуний чора кўриш учун тегишли тартибда судларга юборилган.

Судларга юборилган маъмурий ҳуқуқбузарлик ҳолатлари бўйича судлар томонидан жами 822. млн.сўм жарима жазолари тайинланган ва жарималар тўлиқ ундирилган.

Олиб борилган тушунтириш-тарғибот ишлари ҳамда суд томонидан огоҳлантиришдан сўнг 1013 та автотранспорт воситалари эгалари фаолиятини қонунийлаштириш мақсадида лицензия олган.