AHOLIGA TRANSPORT XIZMATINI KO‘RSATISHDA XAVFSIZLIK TALABLARIGA JIDDIY RIOYA ETISH MUHIM

Transport nazorati inspeksiyasi Samarqand viloyati hududiy bo‘limi inspektorlari tomonidan viloyatni kesib o‘tuvchi yo‘lovchi tashish avtobuslari ko‘zdan kechirilmoqda.

Unda tashuvchilarning litsenziya talab va shartlariga amal qilishi, tender shartnomasi talablarining bajarilishi, avtobuslarda taxograf, tender guvohnomasi, litsenziya varaqasi, avtotransport vositasining texnik va haydovchining tibbiy ko‘rikdan o‘tganligi yuzasidan qaydlar mavjudligiga ham e’tibor qaratilyotir. Ayniqsa, haydovchining ish va dam olish soatlariga rioya etishi jiddiy nazoratga olingan.

Nazorat tadbirlari davomida haydovchilarga yo‘l harakati qoidalariga qat’iy amal qilish bo‘yicha tavsiyalar berib borilmoqda.