Shahar atrofi yo‘nalishlari uchun ochiq elektron tender!

Yo‘lovchi tashish sohasida tadbirkorlik bilan shug‘ullanish istagida bo‘lgan barcha yuridik shaxslarni shahar atrofi yo‘nalishlari uchun o‘tkazilayotgan ochiq elektron tenderda qatnashish uchun taklif etamiz.

Sohada shaffoflikni ta’minlash maqsadida tender elektron tarzda 2024-yil 5-sentyabr kuni o‘tkaziladi.

Unda qatnashish uchun https://e-tender.uztrans.uz/ elektron manzili orqali 2024-yil 4-sentyabr soat 17.00ga qadar yo‘nalishlarga taklif bildirilishi lozim.

Samarqand viloyati aholisini jamoat transportiga bo‘lgan ehtiyojini qondirish maqsadida quyidagi yo‘lovchi tashish yo‘nalishlari ochiq elektron tenderga qo‘yildi.

Marhamat, tenderda qatnashing va sohada tadbirkorlik qilish orqali daromad ko‘ring.

Tenderga qo‘yilgan lotlar: (fotoda)

№	Yo‘nalish raqami	Yo‘nalish nomi	Yo‘nalish turi
Shaharlararo viloyat ichki avtobus yo‘nalishlari
1.	VH - 511	Ravot qishlog‘i (Qo‘shrabot tumani) - Samarqand ABB	Avtobus
2.	VH - 515	Mirbozor ABB - Shohi Zinda ABB	Avtobus
3.	VH - 516	Hazora ABB – Ag‘ron qishlog‘i (Nurobod tumani)	Avtobus
4.	VH - 520	Hazora ABB – Ulus qishlog‘i (Nurobod tumani)	Avtobus
5.	VH - 541	Jo‘sh qishlog‘i (Qo‘shrabot tumani) - Samarqand ABB	Avtobus
6.	VH - 542	Quvkalla qishlog‘i (Qo‘shrabot tumani) - Samarqand ABB	Avtobus
7.	VH - 545	Kattaqo‘rg‘on ABB - Jarquduq qishlog‘i - Nurobod ABB	Avtobus
8.	VH - 546	Urganji qishlog‘i (Qo‘shrabot tumani) - Samarqand ABB	Avtobus
9.	VH - 548	Qovunchi qishlog‘i (Qo‘shrabot tumani) - Samarqand ABB	Avtobus
10.	VH - 551	Xasanbobo qishlog‘i (Qo‘shrabot tumani) - Samarqand ABB	Avtobus
11.	VH - 558	Bozorjoy qishlog‘i (Qo‘shrabot tumani) - Samarqand ABB	Avtobus
12.	VH - 561	Samarqand ABB - Payshanba ABB (Kattaqo‘rg‘on tumani)	Avtobus
Shahar atrofi yo‘nalishli taksi yo‘nalishlari
13.	SHYT-225	Beklar mahallasi (Toyloq tumani) – Siyob ABB	Yo‘nalishli taksi
14.	SHYT-275	Ziyovuddin shaharchasi - Qirguli mahallasi	Yo‘nalishli taksi
Shaharlararo viloyat ichki yo‘nalishli taksi yo‘nalishlari
15.	SHYT-538	Jom qishlog‘i (Nurobod tumani) -Xo‘ja Ahrori Valiy ziyoratgohi	Yo‘nalishli taksi

 

O‘zbekiston Respublikasi Vazirlar Mahkamasining 2021-yil 6-dekabrdagi Avtomobil transportida yo‘lovchi tashish yo‘nalishlari bo‘yicha ochiq tenderlarni elektron tarzda tashkil etish chora-tadbirlari to‘g‘risidagi 738-sonli qarori talablariga muvofiq shahar, shahar atrofi, shaharlararo va xalqaro yo‘lovchilar tashish yo‘nalishlarini biriktirish yuzasidan ochiq tenderlar faqat elektron axborot tizimi orqali o‘tkaziladi. Tenderda belgilangan tartibda O‘zbekiston Respublikasi hududida ro‘yxatdan o‘tgan, tegishli ravishda avtomobil transportida shahar, shahar atrofi, shaharlararo va xalqaro yo‘lovchilar tashuvlarini amalga oshirish huquqini beruvchi litsenziyaga ega bo‘lgan hamda elektron axborot tizimida ro‘yxatdan o‘tgan yuridik shaxslarning qatnashishiga yo‘l qo‘yiladi.

O‘zbekiston Respublikasi Vazirlar Mahkamasining 2021-yil 6-dekabrdagi 738-sonli qarori bilan tasdiqlangan Shahar, shahar atrofi, shaharlararo (Qoraqalpog‘iston Respublikasi va viloyatlar ichida hamda Qoraqalpog‘iston Respublikasi, Toshkent shahar va viloyatlararo) va xalqaro yo‘nalishlarni biriktirish bo‘yicha ochiq tenderlarni elektron tarzda tashkil etish va o‘tkazish tartibi to‘g‘risida NIZOMga muvofiq:

- Tenderda qatnashish uchun takliflar talabgorlar tomonidan axborot tizimi (e-tender.uztrans.uz) orqali taqdim etiladi;

- Aynan bitta avtotransport vositasi bir vaqtning o‘zida bir nechta tugallanmagan lotlarga hamda amaldagi shartnomaga muvofiq yo‘nalishga biriktirilgan avtotransport vositalarining tender taklifi sifatida axborot tizimiga kiritilishiga yo‘l qo‘yilmaydi (shartnomaning amal qilish muddati tugashiga oltmish va undan kam kun qolganida mazkur shartnomada ko‘rsatilgan avtotransportlarning axborot tizimiga kiritilishiga yo‘l qo‘yiladi).

Talabgor tender takliflarini taqdim etishi uchun bazaviy hisoblash miqdorining 30 foizi miqdorida to‘lovni O‘zbekiston Respublikasi Transport Vazirligi hisob raqamiga (ATB Ipoteka bank Chilonzor bo‘limi, h/r: 4014108604262773422967279, bank kodi 00997, STIR: 202811527) o‘tkazib, o‘z tender takliflarini axborot tizimi (e-tender.uztrans.uz) orqali taqdim etishi kerak.

Tender takliflari elektron tarzda belgilangan vaqtgacha topshirilishi ma'lum qilinadi.

Tender takliflari taqdim etilganidan keyin qatnashchilar ularga tuzatish kiritish huquqiga ega emas.

Qatnashchilardan tender bo‘yicha kelib tushgan takliflar axborot tizimi orqali avtomatik tarzda baholanadi.

Tenderni tashkillashtirish bo‘yicha vakolatli organ: O‘zbekiston Respublikasi transport vazirligi Samarqand viloyati transport boshqarmasi.

Ma'lumot uchun telefon: (+99871) 202-05-00(234).