Tashuvchi korxonalar rahbarlari vazifador etildi

Ijtimoiy tarmoqlarda 40-sonli avtobuslarning oraliq vaqtga rioya etmasdan harakatlanganligi yuzasidan videomurojaat tarqaldi. Holat transport boshqarmasi tomonidan nazoratga olinib, o‘rganib chiqildi.

Samarqand shahridagi Amir Temur ko‘chasida  yo‘l infratuzilmasi hamda ichimlik suvi tarmoqlarini modernizatsiya qilish ishlari olib borilayotganligi sababli tramvaylar harakati vaqtincha to‘xtatilgan edi. Mazkur holatdan ba’zi haydovchilar unumli foydalanish maqsadida aslida mavjud bo‘lmagan 40-son yo‘nalish ostida yo‘lovchilarga xizmat ko‘rsatgan. Videomurojaatda aks ettirilgan avtobuslar aniqlanib, “Toxir R” XK hamda “Dilshodtransservis” MCHJ haydovchilari bilan tushuntirish ishlari olib borildi. Holat takrorlanmasligi hamda yo‘l harakati qoidalariga qat’iy amal qilgan holda xizmat ko‘rsatishni ta’minlash maqsadida tashuvchi korxonalar rahbarlari vazifador etildi.