Xizmat sifatini oshirish yo‘lida...

Jamoat transporti bilan bog‘liq muammolarning oldini olish, yo‘lovchilarga sifatli xizmat ko‘rsatishni tashkil etish maqsadida viloyat transport boshqarmasi xodimlari Jomboy tumanida joylashgan “Qora Gavhar Oybek” MCHJda haydovchilari o‘rtasida tushuntirish targ‘ibot ishlarini olib borishdi.
Unda jamoat transportida texnika xavfsizligiga, yo‘l harakati qoidalariga to‘liq rioya etish, xizmat sifatini yanada oshirish masalalariga alohida e’tibor qaratildi. Haydovchilar bilan suhbat o‘tkazilib, yo‘lovchilar bilan xushmuomalada bo‘lishi davr talabi ekanligi tushuntirildi.
Shuningdek, “Qora Gavhar Oybek” MCHJning kuz-qish mavsumiga tayyorgarligi ko‘zdan kechirildi.
Yig‘ilish davomida haydovchilar o‘zlarini qiynab kelayotgan masalalar yuzasidan mutasaddilardan javob olishdi.