Korrupsiya - taraqqiyot kushandasi

Samarqand viloyati transport boshqarmasida O‘zbekiston Respublikasi Transport vazirligi hamda Transport nazorati inspeksiyasi Korrupsiyaga qarshi kurashish bo‘limi bilan hamkorlikda korrupsiyaga qarshi kurashish va unga sharoit yaratib beruvchi omillarni bartaraf etish yuzasidan profilaktik tadbir o‘tkazildi.

Unda eng avvalo, jamiyatda korrupsiyaga nisbatan murosasiz munosabatni qaror toptirish o‘ta dolzarb masala ekanligi uni bajarish doirasida mas’ul idoralar belgilangan bo‘lsa-da, uning to‘laqonli ro‘yobga chiqishi uchun har bir fuqaro o‘zida mas’uliyat his etsa, qo‘yilgan maqsad va muddaolar yechimi paydo bo‘lishi ta’kidlab o‘tildi.

Shuningdek, tadbir davomida Transport vazirligi Korrupsiyaga qarshi kurashish bo‘limi bosh mutaxassisi N.Komilov so‘zga chiqib, barcha xodimlar eng avvalo korrupsiya illatiga qarshi o‘zida toqatsizlik va murosasizlik tuyg‘usini shakllantirishi, xizmat vazifalarini halol, vijdonan, yuqori professional darajada o‘z vakolatlaridan chetga chiqmagan holda bajarishi lozimligini tushuntirdi.

Bu kabi profilaktik tadbirlarning o‘tkazilishi tizim xodimlarining o‘z xizmat vazifalariga vijdonan yondashib, yurtimiz ravnaqi yo‘lida sidqidildan xizmat qilishiga hamda transport tizimining “Korrupsiyadan holi tizimga aylanishi”ga zamin yaratadi.