Xizmat sifatini oshirish yo‘lida...

Jamoat transporti tizimini tubdan isloh qilish, sohadagi muammolarni tizimli ravishda hal qilish asosiy vazifalardan biridir. Bunda xizmat sifatini oshirish muhim jihat hisoblanadi.
Samarqand shahrida avtobuslarda xizmat ko‘rsatishni to‘g‘ri tashkil qilish maqsadida 15, 27, 30, 31, 52, 70, 74-sonli avtobus yo‘nalishlari Brutto-shartnomasi tizimiga o‘tkazilgan. Ushbu yo‘nalishlarda belgilangan talablar asosida tashuvlarni tashkil qilish maqsadida "Marokand Trans 777" MCHJda tushuntirish targ‘ibot ishlari olib borildi.
Unda jamoat transportida texnika xavfsizligiga, yo‘l harakati qoidalariga to‘liq rioya etish, yo‘nalish chizmasi va jadvali asosida harakatlanish, bekatlarda uzoq to‘xtalishlar orqali yo‘lovchilarning vaqtini behuda sarflamaslik masalalariga urg‘u berildi.
Shuningdek, haydovchilarning tashqi ko‘rinishi, kiyinish madaniyati, yo‘lovchilar bilan xushmuomalada bo‘lishi davr talabi ekanligi ta’kidlandi.