Shahar atrofi yo‘nalishlari uchun navbatdagi ochiq elektron tender!

Hurmatli tadbirkorlar! Aholining jamoat transportiga bo‘lgan ehtiyojini qondirish maqsadida quyidagi yo‘lovchi tashish yo‘nalishlari ochiq elektron tenderga qo‘yildi. Yo‘lovchi tashish sohasida tadbirkorlik bilan shug‘ullanish istagida bo‘lgan barcha yuridik shaxslarni tenderda qatnashish uchun taklif etamiz.

Sohada shaffoflikni ta’minlash maqsadida tender ochiq elektron tarzda 2025-yil 3-iyun kuni o‘tkaziladi.

Unda qatnashish uchun https://e-tender.uztrans.uz/ elektron manzili orqali 2025-yil 2-iyun kuni soat 17.00ga qadar yo‘nalishlarga taklif bildirilishi lozim.

Marhamat, tenderda qatnashing va sohada tadbirkorlik qilish orqali daromad ko‘ring.

Tenderga qo‘yilgan lotlar: 

Yo‘nalish raqami	Yo‘nalish nomi	Yo‘nalish turi
	Shahar atrofi avtobus yo‘nalishlari
SHAY-205	Urgut avtostansiyasi-Siyob avtostansiyasi	Avtobus
SHAY-209	Urgut yuqori masjid–Urgut avtostansiyasi	Avtobus
SHAY-214	Mirbozor avtostansiyasi-Sohibkor	Avtobus
SHAY-226	Shohi Zinda ABB–Navro‘ztepa qishlog‘i (Jomboy tumani)	Avtobus
SHAY-240	Bulung‘ur avtostansiyasi–Qoraariq qishlog‘i	Avtobus
SHAY-241	Ziyovuddin qo‘rg‘oni–Qarnab qishlog‘i	Avtobus
SHAY-243	Urgut avtostansiyasi–Chep qishlog‘i	Avtobus
SHAY-253	Kattaqo‘rg‘on avtostansiyasi–Burgan qishlog‘i	Avtobus
SHAY-261	Bulung‘ur avtostansiyasi–Kattaqishloq qishlog‘i	Avtobus
SHAY-262	Bulung‘ur elektr tarmoqlari-Beshqo‘ton qishlog‘i	Avtobus
SHAY-265	Shohi Zinda ABB–Oqqo‘rg‘on qishlog‘i–Chelak shahri	Avtobus
SHAY-269	Mirbozor avtostansiyasi-Do‘rmon mahallasi	Avtobus
SHAY-273	Siyob avtostansiyasi-Jartepa qishlog‘i (Urgut tumani)	Avtobus
SHAY-282	Boshquduq mahallasi-Juma avtostansiyasi	Avtobus
SHAY-283	Juma avtostansiyasi-Usku qishlog‘i	Avtobus
SHAY-301	Shohi Zinda avtostansiyasi–Tibbiyot kolleji	Avtobus
SHAY-307	Payshanba avtostansiyasi-Ishtixon shahri	Avtobus
SHAY-308	Juma avtostansiyasi-Hazora avtostansiyasi	Avtobus
SHAY-311	Juma avtostansiyasi-Guliston mahallasi	Avtobus
SHAY-312	Juma ABB-Temiryo‘l qishlog‘i (Oshiqota ziyoratgohi)	Avtobus
SHAY-316	Shohi Zinda avtostansiyasi-Bulung‘ur avtostansiyasi	Avtobus
SHAY-319	Shohi Zinda avtostansiyasi–Ayg‘irbuloq qishlog‘i	Avtobus
SHAY-325	Juma avtostansiyasi-Parchaqora qishlog‘i	Avtobus
SHAY-342	Mirbozor avtostansiyasi-“Salovat ota” qishlog‘i	Avtobus
SHAY-365	Shohi Zinda avtostansiyasi–“Amir Temur” mahallasi	Avtobus
SHAY-369	Nakurt qishlog‘i-Payariq avtostansiyasi	Avtobus
SHAY-373	Juma avtostansiyasi-Chandir qishlog‘i	Avtobus
SHAY-378	Yangijoy mahallasi- Samarqand tuman shifoxonasi	Avtobus
SHAY-380	Urgut avtostansiyasi– Sarbozor qishlog‘i	Avtobus
SHAY-395	Shohi Zinda ABB-Qoramo‘yin qishlog‘i (Jomboy tumani)	Avtobus
SHAY-401	Urgut avtostansiyasi -Muminobod qishlog‘i	Avtobus
SHAY-402	Temiryo‘l avtostansiyasi-“Imom al-Buxoriy”	Avtobus
SHAY-410	Juma avtostansiyasi-Ilm mahallasi	Avtobus
SHAY-424	Juma avtostansiyasi-Qumariq qishlog‘i	Avtobus
SHAY-438	Mirbozor avtostansiyasi-Buston qishlog‘i	Avtobus
SHAY-465	Shohi Zinda avtostansiyasi–“Navoiy” xo‘jaligi	Avtobus
SHAY-490	Bulung‘ur avtostansiyasi-Qoramuyin qishlog‘i	Avtobus

 

O‘zbekiston Respublikasi Vazirlar Mahkamasining 2021-yil 6-dekabrdagi Avtomobil transportida yo‘lovchi tashish yo‘nalishlari bo‘yicha ochiq tenderlarni elektron tarzda tashkil etish chora-tadbirlari to‘g‘risidagi 738-sonli qarori talablariga muvofiq shahar, shahar atrofi, shaharlararo va xalqaro yo‘lovchilar tashish yo‘nalishlarini biriktirish yuzasidan ochiq tenderlar faqat elektron axborot tizimi orqali o‘tkaziladi. Tenderda belgilangan tartibda O‘zbekiston Respublikasi hududida ro‘yxatdan o‘tgan, tegishli ravishda avtomobil transportida shahar, shahar atrofi, shaharlararo va xalqaro yo‘lovchilar tashuvlarini amalga oshirish huquqini beruvchi litsenziyaga ega bo‘lgan hamda elektron axborot tizimida ro‘yxatdan o‘tgan yuridik shaxslarning qatnashishiga yo‘l qo‘yiladi.

O‘zbekiston Respublikasi Vazirlar Mahkamasining 2021-yil 6-dekabrdagi 738-sonli qarori bilan tasdiqlangan Shahar, shahar atrofi, shaharlararo (Qoraqalpog‘iston Respublikasi va viloyatlar ichida hamda Qoraqalpog‘iston Respublikasi, Toshkent shahar va viloyatlararo) va xalqaro yo‘nalishlarni biriktirish bo‘yicha ochiq tenderlarni elektron tarzda tashkil etish va o‘tkazish tartibi to‘g‘risida NIZOMga muvofiq:

- Tenderda qatnashish uchun takliflar talabgorlar tomonidan axborot tizimi (e-tender.uztrans.uz) orqali taqdim etiladi;

- Aynan bitta avtotransport vositasi bir vaqtning o‘zida bir nechta tugallanmagan lotlarga hamda amaldagi shartnomaga muvofiq yo‘nalishga biriktirilgan avtotransport vositalarining tender taklifi sifatida axborot tizimiga kiritilishiga yo‘l qo‘yilmaydi (shartnomaning amal qilish muddati tugashiga oltmish va undan kam kun qolganida mazkur shartnomada ko‘rsatilgan avtotransportlarning axborot tizimiga kiritilishiga yo‘l qo‘yiladi).

Talabgor tender takliflarini taqdim etishi uchun bazaviy hisoblash miqdorining 30 foizi miqdorida to‘lovni O‘zbekiston Respublikasi Transport Vazirligi hisob raqamiga (ATB Ipoteka bank Chilonzor bo‘limi, h/r: 4014108604262773422967279, bank kodi 00997, STIR: 202811527) o‘tkazib, o‘z tender takliflarini axborot tizimi (e-tender.uztrans.uz) orqali taqdim etishi kerak.

Tender takliflari elektron tarzda belgilangan vaqtgacha topshirilishi ma'lum qilinadi.

Tender takliflari taqdim etilganidan keyin qatnashchilar ularga tuzatish kiritish huquqiga ega emas.

Qatnashchilardan tender bo‘yicha kelib tushgan takliflar axborot tizimi orqali avtomatik tarzda baholanadi.

Tenderni tashkillashtirish bo‘yicha vakolatli organ: O‘zbekiston Respublikasi transport vazirligi Samarqand viloyati transport boshqarmasi.

Ma'lumot uchun telefon: (+99871) 202-05-00(234).