70-sonli yo‘nalishdagi avtobuslar Afrosiyob ko‘chasidan harakatlanadi

Samarqand shahrida jamoat transporti tizimini tubdan isloh qilish borasida ishlab chiqilgan yangi yo‘nalishlar tarmog‘iga asosan 70-sonli yo‘nalishdagi avtobuslar bugun, 8-avgustdan boshlab yangi chizma asosida harakatni boshladi.
Tender tanlovi natijasiga ko‘ra, brutto shartnomasi imzolangan 70-sonli yo‘nalish Sartepa maskanidan boshlanib Turkiston, Amir Temur, Buyuk ipak yo‘li, Mirzo Ulug‘bek, Gagarin (Aziz bozor), Navoiy shoh, Chuqur yo‘l, Rudakiy, Imom al Buxoriy, Ibn Sino, Afrosiyob (Ehtiyot qismlar bozori) ko'chalari, Samarqand halqa yo‘li orqali O‘rmon xo‘jaligida yo‘nalishni yakunlaydi.

Hurmatli samarqandliklar! Jamoat transportini isloh qilishda olib borilayotgan ishlar xizmat sifatini oshirishga qaratilgan.

Jamoat transportida elektron to‘lov tizimidan foydalanish orqali uning rivojlanishiga hissa qo‘shing!