#Munosabat

Bugun, 4-dekabr sanasida Samarqand_life telegram kanalida kechki vaqtlarda avtobuslar harakatlanmasligi yuzasidan murojaat tarqaldi. Mazkur murojaat viloyat Transport boshqarmasi tomonidan nazoratga olindi. Shahar jamoat transporti yoʻnalishlarida xizmat koʻrsatuvchi barcha avtokorxonalarda jadval asosida xizmat koʻrsatishni tashkil etish boʻyicha targʻibot ishlari olib boriladi.

Bundan tashqari, murojaat tarqalgan vaqt tigʻiz vaqt boʻlganligi uchun avtobuslar tirbandlikda qolib ketgan boʻlishi mumkin.

Soat 19.44 holatiga GPS navigator qurilmasi orqali Amir Temur nomli koʻchada 74, M2 hamda M4-sonli yoʻnalishlarda avtobuslar harakati kuzatildi.