Avtobuslarning texnik xavfsizligi o`rganildi

Samarqand viloyati transport boshqarmasi hamda viloyat IIB JXX YHXB xodimlari aholiga transport xizmatini ko‘rsatuvchi “Samarqand Hamkor Trans” MCHJda avtobuslarning texnik jihatlarini o‘rganish ishlarini olib bordi.
O‘rganish jarayonida siqilgan gazga mo‘ljallangan balonlarni o‘z vaqtida sinovdan o‘tkazilganligi, talablar bo‘yicha o‘rnatilganligi ko‘zdan kechirildi. Bundan tashqari, avtotransport vositalariga o‘rnatilgan gaz balonlarining portlashi oqibatida sodir bo‘lgan noxush holatlar yuzasidan tayyorlangan videolavha namoyish etildi. Uning kelib chiqish sabablari atroflicha tahlil qilindi. Bunday ayanchli holatlarga yo‘l qo‘ymaslik bo‘yicha tavsiyalar berildi.
Shuningdek, korxona rahbar va haydovchilari o‘rtasida yo‘l harakati qoidalariga so‘zsiz rioya qilish, yo‘lovchilarning hayotini xavf ostida qoldirmaslik, ular bilan samimiy munosabatda bo‘lish, quvib o‘tish qoidalarini buzmaslik yuzasidan barcha ogohlantirildi. Aks holda tegishli tartibda jazo choralari qo‘llanilshi bo‘yicha ogohlantirildi.