Bekatlardagi ekranlar orqali ma’lumot olish tizimi yaratiladi

#Munosabat

Bugun, 12-dekabr kuni ijtimoiy tarmoqlarda Amir Temur nomli ko‘chadagi bekatlarning talabga javob bermasligi yuzasidan murojaat tarqaldi.

Xabaringiz bor, Samarqand shahridagi aksar ko‘chalarda ta’mirlash-bunyodkorlik ishlari olib borilmoqda. Jumladan, Amir Temur nomli ko‘chada ham. Bugungi kunda ushbu ko‘chada asfalt yotqizish ishlari yakunlangan, biroq bekatlarni o‘rnatish davom etmoqda. Ko‘chada 20dan ortiq bekat qurilishi yoki qayta ta’mirlanishi kuzda tutilgan. Hozirda 8ta bekat qurilishi yakunlangan bo‘lib, yana 10tasini qurish ishlari davom etmoqda. Ushbu bekatlarda o‘rnatilgan/o‘rnatilishi rejalashtirilgan LED ekranlarda real vaqt rejimida yo‘lovchilarga jamoat transporti harakati to‘g‘risida ma’lumot berish tizimi yo‘lga qo‘yiladi.