Haydovchi bilan tushuntirish ishlari olib borildi

Ijtimoiy tarmoqlarda Samarqand shahar avtobus yo‘nalishlarida aholiga transport xizmatini ko‘rsatuvchi transport vositasining haydovchisi yo‘lovchini so‘ngi bekatga yetmasdan tushirib yuborganligi yuzasidan murojaat tarqaldi.

Aniqlanishicha, holat 4-sonli “Do‘stlik mahallasi - Sartepa maskani” shahar avtobus yo‘nalishida harakatlanuvchi, “Toxir R” XKga tegishli avtobusda qayd etilgan.

Murojaatda keltirilgan holat takrorlanmasligi uchun 4-sonli yo‘nalishda harakatlanuvchi transport vositasi haydovchisi bilan tushuntirish ishlari olib borildi. Unda belgilangan yo‘nalish harakat jadvalini oxirigacha bajarish, yo‘lovchilar bilan samimiy munosabatda bo‘lish yuzasidan kerakli tavsiyalar berildi.