Haydovchiga belgilangan tartibda jazo chorasi qo'llanildi

#Munosabat

Joriy yilning 13-mart sanasida ijtimoiy tarmoqlarda 87-sonli yo‘nalishda harakatlanuvchi avtobusning yo‘nalish chizmasidan chiqib ketganligi hamda haydovchining qo‘pol xatti-harakatlari yuzasidan videomurojaat tarqaldi.

Mazkur murojaat Samarqand viloyati transport boshqarmasi tomonidan nazoratga olindi.

Aniqlanishicha, holat “Toxir R” MCHJga tegishli, 87-sonli “Sartepa maskani-Universitet xiyoboni” shahar avtobus yo‘nalishida harakatlanishi belgilangan, davlat raqami 30/652 YBA bo‘lgan avtobus haydovchisi tomonidan sodir etilgan.

Viloyat transport boshqarmasi xodimlari tomonidan 30/652 YBA bo‘lgan avtobus haydovchisiga tushuntirish ishlari olib borildi.

Korxona rahbariyati tomonidan haydovchiga belgilangan tartibda jazo chorasi qo'llanildi.

Shuningdek, “Yo‘lovchi tashishni monitoring va nazorat qilish” davlat muassasasi tomonidan mazkur yo‘nalishdagi avtobuslar alohida nazoratga olindi.