Haydovchilari bilan uchrashuv boʻlib oʻtdi

Respublika Maʼnaviyat va maʼrifat markazi Samarqand viloyati boʻlimi hamda viloyat Transport boshqarmasi oʻrtasida imzolangan memorandum ijrosini taʼminlash, jamoat transporti haydovchilari oʻrtasida maʼnaviy-maʼrifiy muhitni yaxshilash maqsadida "Suxrobtransservis" MChJ avtoparkida 7- va 64-raqamli yoʻnalishda xizmat koʻrsatuvchi avtobus haydovchilari bilan uchrashuv boʻlib oʻtdi.

Uchrashuvda Respublika Maʼnaviyat va maʼrifat markazi viloyat boʻlimi rahbari Dilshod Ismailov hamda viloyat Transport boshqarmasi boshligʻi Ravshan Tojiyev ishtirok etib, haydovchilar faoliyatida duch kelayotgan muammolar, yoʻlovchilar bilan xushmuomala boʻlishlari, yoʻl harakati qoidalariga amal qilishlari boʻyicha oʻz fikrlarini bildirishdi.