Haydovchilarning ish va dam olish soatlariga rioya etishi jiddiy nazoratga olingan

Shaharlararo va xalqaro yo‘nalishlarda harakatlanuvchi avtobuslarning belgilangan talablarga rioya qilgan holda harakatlanishini ta’minlash maqsadida Transport nazorati inspeksiyasi Samarqand viloyati hududiy bo‘limi inspektorlari hamda IIB YHXB xodimlari tomonidan “Yuqori nuqta” yo‘l patrul xizmati maskanida nazorat tadbirlari yo‘lga qo‘yilgan.

Unda haydovchilarning ish va dam olish soatlariga rioya etishi jiddiy nazoratga olingan. Bundan tashqari, tashuvchilarning litsenziya talab va shartlariga amal qilishi, tender shartnomasi talablarining bajarilishi, avtobuslarda taxograf, tender guvohnomasi, litsenziya varaqasi, avtotransport vositasining texnik va haydovchining tibbiy ko‘rikdan o‘tganligiga ham e’tibor qaratilyotir. 

Nazorat tadbirlari davomida haydovchilarga yo‘l harakati qoidalariga qat’iy amal qilish bo‘yicha tavsiyalar berib borilmoqda.

Shuningdek, tashuvlarda xizmat sifatini aniqlash maqsadida yo‘lovchilarning fikri o‘rganilmoqda.