Holat haydovchilar o‘rtasida muhokama qilindi

#Munosabat

Joriy yilning 6-dekabr kuni ijtimoiy tarmoqlarda 71-sonli “Siyob ABB-So‘g‘diyona istirohat bog‘i” shahar avtobus yo‘nalishida xizmat ko‘rsatuvchi avtobus haydovchining yo‘l harakati qoidalarini buzishi yuzasidan murojaat tarqaldi.

Murojaatda keltirilgan holatlar yuzasidan xizmat ko‘rsatuvchi korxona “Samarqand Hamkor trans” MCHJda holat haydovchilar o‘rtasida muhokama qilindi.

Muhokama jarayonida jamoat transporti haydovchisining majburiyatlari, unga qo‘yilgan talablar har bir haydovchiga birma-bir tushuntirildi. Yo‘l harakati qoidalariga so‘zsiz rioya qilish, yo‘lovchilarning hayotini xavf ostida qoldirmaslik, ular bilan samimiy munosabatda bo‘lish, quvib o‘tish qoidalarini buzmaslik yuzasidan tushuntirish berildi.