"Ikki buyuk shoir, ikki musofir —Navoiy Hirotda, Qobulda Bobur"

Ikki buyuk shoir, ikki musofir —Navoiy Hirotda, Qobulda Bobur.

Sizni o‘ylatmasmi bu jumboq, bu sir,

Navoiy Hirotda, Qobulda Bobur…

Samarqand viloyati transport boshqarmasida so‘z mulkining sultoni, o‘zbek tilining ravnaqini yuksak cho‘qqilarga ko‘targan buyuk mutafakkir, xalqparvarligi ila el orasida shuhrat qozongan Nizomiddin Mir Alisher Navoiy hamda o‘zbek mumtoz adabiyotining yirik vakili, buyuk shoir va ma’rifatparvar, davlat arbobi, iste’dodli sarkarda - Zahiriddin Muhammad Boburga ehtirom ko‘rsatilib, ma’naviy-ma’rifiy tadbir mazkur satrlar bilan boshlandi.

Tadbirda Samarqand davlat universiteti, O‘zbek filologiyasi fakulteti dotsenti D.Toshniyozova qatnashib, Alisher Navoiy hamda Zahiriddin Muhammad Boburning bosib o‘tgan hayot yo‘li, boy ijodiy merosi, xalq uchun amalga oshirgan buyuk ishlari haqida batafsil so‘zlab berdi.

Insonga ma’naviy-ma’rifiy zavq beruvchi ushbu tadbirda insonga ma’naviy ozuqa beruvchi ushbu tadbirda allomalarning g‘azal va ruboiylaridan namunalar o‘qildi.

Jumladan D.Toshniyozova o‘z nutqida quyidagi iqtiboslarni keltirib o‘tdi: 

O‘z davrida Zahiriddin Muhammad Bobur shunday yozgan edi: Alisherbek naziri yo`q kishi edi. Turkiy til bila to she`r aytubturlar, hech kim oncha ko`p va xo`p aytgon emas... olti masnaviy kitob nazm qilibtur, besh «Xamsa» javobida, yana bir «Mantiq-ut tayr» vaznida «Lison-ut tayr» otliq. To`rt g`azaliyot devoni tartib qilibtur: «G`aroyib us sig`ar», «Navodir-ush shabob», «Badoyi-ul vasat», «Favoid-ul kibar» otliq. Yana «Mezon-ul avzon» otliq aruz bitibtur, bisyor madxuldur. Yigirma to`rt ruboiy vaznida to`rt g`alat qilibtur

 Javoharlal Neru esa Zahiriddin Muhammad Boburga quyidagicha ta’rif bergan: Bobur dilbar shaxs edi. Uyg‘onish davrining ajoyib sultoni, kuchli, tadbirkor kishi bo‘lib, san’atni, adabiyotni, go‘zallikni sevardi.