Jamoat transporti uzviyligini ta’minlash ustuvor vazifa

Samarqand viloyati transport boshqarmasida ish samaradorligini oshirish, aholi uchun jamoat transportida sifatli xizmat ko‘rsatishni tashkillashtirish, avtobus va yo‘nalishli taksi yo‘nalishlarida xizmat ko‘rsatayotgan transport vositalarini qat’iy nazoratga olish borasida kengaytirilgan yig‘ilish bo‘lib o‘tdi.

 Unda boshqarma boshlig‘i R.Tojiyev aholiga transport xizmatini ko‘rsatishda yuzaga chiqib kelayotgan kamchiliklarni tanqidiy tahlil qilib, uni zudlik bilan bartaraf etish borasida Transport nazorati inspeksiyasi Samarqand hududiy bo‘limi bilan hamkorlikni yo‘lga qo‘yish lozimligini ta’kidladi.

 Tanqidiy ruhda kechgan yig‘ilishda jamoat transporti uzviyligini ta’minlash, xizmat sifatini oshirish va haydovchilar o‘rtasida doimiy ravishda tushuntirish targ‘ibot ishlarini yo‘lga qo‘yish bo‘yicha xodimlarga vazifalar yuklandi. Ogohlantirishlarga qaramasdan, muammolarga barham bermasdan kelayotgan korxonalar bilan ishlashda vakolatli organlarni jalb qilish bo‘yicha topshiriqlar berildi.