Jamoatchilik ishtirokida yo‘nalishning texnik tomonlari o‘rganildi

Samarqand shahri jamoat transportini tartibga solish va yangi yo‘nalishlar tarmog‘idan o‘rin olgan hududlarda avtobuslar harakatini joriy etish yuzasidan xabar berib kelmoqdamiz.

Aholini jamoat transportiga bo‘lgan ehtiyojini qondirish maqsadida viloyat Transport boshqarmasi rahbariyati hamda jamoatchilik ishtirokida 20-sonli “Obod maskan mahallasi-Sho‘rboyi mahallasi (M-39 a/y)” shahar avtobus yo‘nalishining texnik tomonlari o‘rganib chiqildi.

O‘rganish davomida avtomobil yo‘lining holati, avtobuslarning erkin harakatlanishi yuzasidan tegishli tashkilotlar bilan hamkorlikda ish olib borish, yo‘nalish bo‘yicha belgilangan tartibda bekatlarni joylashtirish masalalariga e‘tibor qaratildi.