Konsultantlar jamoasi bilan uchrashuv

Xabaringiz bor, Samarqand shahar jamoat transportini kompleks rivojlantirish, yo‘lovchilarga xavfsiz va sifatli transport xizmatlarini ko‘rsatish, samarali va ekologik toza transport turlariga bosqichma-bosqich o‘tish maqsadida O‘zbekiston Respublikasi Prezidentining “Yevropa tiklanish va taraqqiyot banki ishtirokida «Samarqand shahar jamoat transporti uchun elektrobuslar xarid qilish va ular bilan bevosita bog‘liq infratuzilmani yaratish» loyihasini amalga oshirish chora-tadbirlari to‘g‘risida” qarori imzolangan edi.

Mazkur qaror ijrosi yuzasidan Samarqand viloyati transport boshqarmasida loyihani amalga oshirish guruhi, “Samarqandyo‘lovchitrans” DK hamda “Project Planning and Management Ltd.”, “Aspiro Česká republika, s.r.o.” ва МЧЖ “UBI Consulting” (Bolgariya/Chexiya/O‘zbekiston) qo‘shma korxonasi ishtirokida yig‘ilish bo‘lib o‘tdi.

Unda tomonlar elektrobuslar va u bilan bog‘liq infratuzilmani yaratish doirasida olib borilayotgan ishlarni muhokama qilishdi. Shuningdek, loyiha doirasida kelgusida amalga oshirilishi lozim bo‘lgan vazifalar yuzasidan kelishib olindi.