Ko‘rsatilayotgan xizmat sifatli bo‘lishi shart!

Boshqarma xodimlari tomonidan joylarda yo‘lovchi tashish sohasiga qo‘yilgan talablarga qat’iy amal qilish borasida tushuntirish ishari olib borilmoqda. Jumladan, Pastdarg‘om tumanida yo‘lovchilarga transport xizmati ko‘rsatuvchi tadbirkorlik subyektlari bilan joriy holat muhokama etildi.

Unda belgilangan yo‘nalishdan chiqish, avtotransport vositalarini talablar asosida jihozlashga rioya qilinmayotganligi, yo‘lkira haqini sun’iy ravishda oshirish kabi holatlar tender talab va shartlarini buzish ekanligi ta’kidlandi. Bu esa o‘z navbatida korxona faoliyatini tekshirish va jarima qo‘llanilishiga olib kelinishi yuzasidan tadbirkorlik subyektlari ogohlantirildi.

Boshqarma xodimlari tomonidan avtokorxonalar rahbarlariga yo‘lovchilarga sifatli xizmat ko‘rsatishni tashkil qilish maqsadida yo‘nalishlardagi “Damas” rusumli transport vositalarini bosqichma-bosqich M2 toifali avtomobillarga almashtirish yuzasidan taklif berildi.

Ma’lumot o‘rnida: Pastdarg‘om tumanida 25 ta avtokorxona 50 ta yo‘nalishda 575 ta litsenziyalangan transport vositalari bilan yo‘lovchilarga xizmat ko‘rsatmoqda.