Maqsad xizmat sifatini oshirishdan iborat

Jamoat transporti bilan bog‘liq muammolarning oldini olish, yo‘lovchilarga sifatli xizmat ko‘rsatishni tashkil qilish, Brutto-shartnomasi talablari asosida tashuvlarni tashkil etish maqsadida viloyat transport boshqarmasi xodimlari “Marokand trans 777” MCHJ haydovchilari o‘rtasida tushuntirish targ‘ibot ishlarini olib borishdi. 
Unda jamoat transportida texnika xavfsizligiga, yo‘l harakati qoidalariga jiddiy e’tibor qaratish, xizmat sifatini yanada oshirish masalalariga alohida e’tibor qaratildi.
Shuningdek, haydovchilarning tashqi ko‘rinishi, kiyinish madaniyati, yo‘lovchilar bilan xushmuomalada bo‘lishi davr talabi ekanligi ta’kidlandi.
Yig‘ilish davomida haydovchilar o‘zlarini qiynab kelayotgan masalalar yuzasidan mutasaddilardan javob olishdi.