Mazkur hududdagi avtomobil yo‘li ta’mirlanmagan

Ijtimoiy tarmoqlarda Samarqand shahri, Shirin mahallasi aholisining avtobuslar qatnovini tashkil etish borasida murojaati tarqaldi.

Samarqand shahar aholisini jamoat transporti bilan qamrab olish Bosh rejasiga ko‘ra, mazkur hududda 256-sonli yo‘nalishda avtobuslar harakatini tashkil etish rejalashtirilgan. Biroq, yo‘nalish qayta-qayta tender tanloviga qo‘yilishiga qaramasdan talabgor chiqmaganligi sababli vaqtincha “Marokand trans 777” MCHJga tegishli avtobuslar xizmat ko‘rsatib kelmoqda edi.

Farhod shaharchasi hamda Shirin mahallasi o‘rtasidagi avtomobil yo‘li ta’mirtalab ahvolga kelib qolgan. Bu esa o‘z navbatida avtobuslarning tez-tez texnik shikastlanishiga sabab bo‘lgan. Bu haqda mahalla faollari bilan bilan bo‘lib o‘tgan yig‘ilishda ham ma’lum qilingandi. Biroq, hanuzgacha mazkur hududdagi avtomobil yo‘li ta’mirlanmagan.

Hozirda Shirin mahallasi aholisini muntazam jamoat transporti qatnovi bilan ta’minlash maqsadida barcha tadbirkorlik subyektlariga takliflar berilgan.