Mehnat va dam olish soatlarini to‘g‘ri tashkil etish borasida psixologik trening o‘tkazildi

Samarqand viloyati transport boshqarmasida O‘zbekiston Respublikasi Prezidenti huzuridagi Davlat xizmatini rivojlantirish agentligi Samarqand viloyati filiali bilan hamkorlikda davlat organlari va tashkilotlari jamoalarida axloqiy-ruhiy holatni o‘rganish va faollikni oshirish yuzasidan “Shaxslarda paydo bo‘ladigan toliqishlar va ularning yechimi” mavzusida psixologik trening tashkil etildi.

Unda Davlat xizmatini rivojlantirish agentligi Samarqand viloyati filiali bosh inspektori R.Umarova hamda O‘zbeskiston-Finlandiya pedagogika instituti Psixologiya kafedrasi mudiri, Psixologiya fanlari bo‘yicha falsafa doktori, PhD U.Butayevalar ishtirok etib, boshqarma rahbar va xodimlariga ish samaradorligini oshirish, mehnat va dam olish vaqtlarini to‘g‘ri tashkil etish borasida interaktiv mashg‘ulotlar o‘tkazdi.

Shuningdek, turli ko‘rinishdagi psixologik mashqlar orqali toliqishning yuqotishda asqotadigan tavsiyalar berildi.