Nega Ohalik va Oqbo‘yro qishloqlarida avtobus yo‘q?

#Munosabat

Facebook tarmog‘ida Adash Istad profili foydalanuvchisi tomonidan “Nega hatto Samarqand shahridan mayda qishloqlarga avtobus reyslari boru 15 ming aholi yashaydigan turizm zonasiga Prezident farmoni bilan kiritilgan Ohalik va Oqbo‘yro qishloqlarga yo‘q?” deya savol qoldidirilgan.

Bugungi kunda Ohalik va Oqbo‘yro qishloqlari aholisiga 378-sonli “Samarqand tuman shifoxonasi - Navro‘z qishlog‘i” yo‘nalishli taksi yo‘nalishida “Damas” rusumli transport vositalari aholiga transport xizmatini ko‘rsatib kelmoqda.

Ushbu hududda avtobuslar harakatini yo‘lga qo‘yish maqsadida 378-sonli “Samarqand tuman shifoxonasi - Yangi joy mahallasi” shahar atrofi yo‘nalishi tenderga qo‘yilgan. Biroq, xizmat ko‘rsatuvchi tadbirkorlik subyektlaridan takliflar kelib tushmagan.

Ushbu hudud aholisini avtobuslar harakati bilan qamrab olish maqsadida bugungi kunda shahar avtobus yo‘nalishlari chizmasiga o‘zgartirish kiritgan holda jamoat transportini qatnovini tashkil qilish masalasi ko‘rib chiqilmoqda. Natijalar bo‘yicha qo‘shimcha ma’lumot beriladi.