Pastdarg‘om, Oqdaryo, Ishtixon tumanlarida qo‘shma reyd tadbirlari olib borildi

Yo‘lovchi tashishga qo‘yilgan talablar ijrosi hamda sohada qonun ustuvorligini ta’minlash maqsadida joriy yilning 8-avgust sanasida Pastdarg‘om, Oqdaryo, Ishtixon tumanlarida qo‘shma reyd tadbirlari olib borildi.

Unda O‘zbekiston Respublikasi Transport vazirligi huzuridagi Transport nazorati inspeksiyasi Avtomobil transportida nazorat Samarqand viloyat hududiy bo‘limi hamda IIB JXX YHXB xodimlari tomonidan aholiga transport xizmatini ko‘rsatuvchi avtotransport vositalari ko‘zdan kechirildi.

Qo‘shma reyd davomida 50 dan ortiq holatda tegishli litsenziyaga ega bo‘lmasdan yo‘lovchilarga pullik transport xizmatini ko‘rsatayotganlar aniqlanib, ularga nisbatan belgilangan tartibda ma’muriy bayonnomalar rasmiylashtirildi. Shuningdek, haydovchilarga faoliyatini qonuniylashtirish borasida tushuntirish berildi.

Unutmang, tegishli litsenziyaga ega bo‘lmasdan yo‘lovchilarga pullik xizmat ko‘rsatish qonunga xilof!