Qorasuv massiviga yangi yo‘nalish ochildi

Samarqand shahrida jamoat transportining jozibadorligini oshirish, xizmat sifatini yangi bosqichga olib chiqish maqsadida zamonaviy avtobuslar olib kelinib yo‘nalishlarga - yo‘lovchilar xizmatiga chiqarilayotganligi haqida xabar berib kelmoqdamiz.

Bugun, 18-dekabr sanasidan boshlab, Samarqand shahar transport Bosh rejasidan o‘rin olgan 20-sonli “Obod maskan mahallasi-Sho‘rboyi mahallasi” shahar avtobus yo‘nalishi yo‘lovchilar xizmatiga chiqarildi.

Ushbu yo‘nalish “Qorasuv-2” massividan boshlanib, Samarqand halqa yo‘li, Dahbed, Registon, Namozgoh, “Usmon Yusupov”, “Xo‘ja Ahrori Vali” ko‘chalari orqali Samarqand tuman shifoxonasiga, so‘ngra “Husayn Boyqaro” ko‘chasi, (Bag‘rikenglik (Shalg‘omon), (Oqmachit), Termiz ko‘chasi, “Ko‘tarma”, Tolibarzu mahallasi, Ravonak mahallasi, Ravonak mahallasi-l, Ravonak mahallasi-2, Baqqol mahallasi, Sho‘rboyi mahallasi-l, 40-maktab, Sho‘rboyi maballasi (М-39 Bеtоn yo‘li) hududini o‘z ichiga oladi.

Yo‘nalishda “Navobod trans” MCHJga tegishli 10 ta “Zong Tong bus” rusumli avtobus 10 daqiqalik interval asosida harakatlanadi.

Avtobuslarda elektron to‘lov tizimi uchun validatorlar, shuningdek, telefonlarni quvvatlash uchun maxsus qurilmalar bilan jihozlangan.