Shahar atrofi avtobus va yo‘nalishli taksi yo‘nalishlari uchun ochiq elektron tender!

 Aholining jamoat transportiga bo‘lgan ehtiyojini qondirish hamda uzoq hududlarni tuman va viloyat markazi bilan bog‘lash maqsadida quyidagi yo‘lovchi tashish yo‘nalishlari ochiq elektron tenderga qo‘yildi. Yo‘lovchi tashish sohasida tadbirkorlik bilan shug‘ullanuvchi barcha yuridik shaxslarni tenderda qatnashish uchun taklif etamiz.

Sohada shaffoflikni ta’minlash maqsadida tender ochiq elektron tarzda 2024-yil 29-mart kuni o‘tkaziladi. Unda qatnashish uchun https://e-tender.uztrans.uz/ elektron manzili orqali 2024-yil 28-mart kuni soat 17.00ga qadar yo‘nalishlarga taklif bildirish lozim.

Marhamat, tenderda qatnashing va sohada tadbirkorlik qilish orqali daromad ko‘ring.

Tenderga qo‘yilgan lotlar: 

 

№	Yo‘nalish raqami	Yo‘nalish nomi	Yo‘nalish turi
Shahar atrofi avtobus yo‘nalishlari
1.	SHAY-202	Kattaqo‘rg‘on ABB – Oqtosh shahri	Avtobus
2.	SHAY-225	Shohi Zinda ABB - G‘ubdin qishlog‘i (Bulung`ur tumani)	Avtobus
3.	SHAY-262	Bulung‘ur elektr tarmoqlari - Beshqo‘ton qishlog‘i	Avtobus
4.	SHAY-279	Bulung‘ur ABB - Mingtepa mahallasi	Avtobus
5.	SHAY-301	Tibbiyot kolleji (Payariq tumani) - Shohi Zinda ABB	Avtobus
6.	SHAY-316	Bulung‘ur ABB - Shohi Zinda ABB	Avtobus
7.	SHAY-353	Jomboy tuman gaz - Shohi Zinda ABB	Avtobus
8.	SHAY-465	Shohi Zinda ABB – “Navoiy” xo‘jaligi (Bulung‘ur tumani)	Avtobus
9.	SHAY-404	“Lazzat” choyxonasi (Payariq tumani) - Shohi Zinda ABB	Avtobus
Shahar atrofi yo‘nalishli taksi yo‘nalishlari
10.	SHYT-250	Angarolmos qishlog‘i – Kimyo zavodi	Yo‘nalishli taksi
11.	SHYT-270	Ziyovuddin shaharchasi - Mirbozor ABB	Yo‘nalishli taksi
12.	SHYT-271	Ziyovuddin shaharchasi - Go‘ro‘g‘li qishlog‘i	Yo‘nalishli taksi
13.	SHYT-275	Ziyovuddin shaharchasi - Qirguli mahallasi	Yo‘nalishli taksi
14.	SHYT-364	Siyob ABB - Pochvon qishlog‘i (Urgut tumani)	Yo‘nalishli taksi
15.	SHYT-375	Xo‘ja qishlog‘i - Urgut ABB	Yo‘nalishli taksi
16.	SHYT-383	Shayman bozori - G‘ubdin qishlog‘i	Yo‘nalishli taksi
17.	SHYT-387	Nurobod ABB - Juma ABB	Yo‘nalishli taksi
18.	SHYT-416	Ulug‘bek rasadxonasi - Urgut ABB	Yo‘nalishli taksi
19.	SHYT-422	Sariqul mahallasi (16-maktab) - Nurobod ABB	Yo‘nalishli taksi
20.	SHYT-459	Nurobod mahallasi - AYOQSH (Samarqand tumani)	Yo‘nalishli taksi
21.	SHYT-474	Jartepa qishlog‘i - G‘ijduvon mahallasi	Yo‘nalishli taksi
Shaharlararo viloyat ichki yo‘nalishli taksi yo‘nalishlari
22.	SHYT-538	Jom qishlog‘i - Xo‘ja Ahrori Valiy ziyoratgohi	Yo‘nalishli taksi

 

O‘zbekiston Respublikasi Vazirlar Mahkamasining 2021-yil 6-dekabrdagi Avtomobil transportida yo‘lovchi tashish yo‘nalishlari bo‘yicha ochiq tenderlarni elektron tarzda tashkil etish chora-tadbirlari to‘g‘risidagi 738-sonli qarori talablariga muvofiq shahar, shahar atrofi, shaharlararo va xalqaro yo‘lovchilar tashish yo‘nalishlarini biriktirish yuzasidan ochiq tenderlar faqat elektron axborot tizimi orqali o‘tkaziladi. Tenderda belgilangan tartibda O‘zbekiston Respublikasi hududida ro‘yxatdan o‘tgan, tegishli ravishda avtomobil transportida shahar, shahar atrofi, shaharlararo va xalqaro yo‘lovchilar tashuvlarini amalga oshirish huquqini beruvchi litsenziyaga ega bo‘lgan hamda elektron axborot tizimida ro‘yxatdan o‘tgan yuridik shaxslarning qatnashishiga yo‘l qo‘yiladi.

O‘zbekiston Respublikasi Vazirlar Mahkamasining 2021-yil 6-dekabrdagi 738-sonli qarori bilan tasdiqlangan Shahar, shahar atrofi, shaharlararo (Qoraqalpog‘iston Respublikasi va viloyatlar ichida hamda Qoraqalpog‘iston Respublikasi, Toshkent shahar va viloyatlararo) va xalqaro yo‘nalishlarni biriktirish bo‘yicha ochiq tenderlarni elektron tarzda tashkil etish va o‘tkazish tartibi to‘g‘risida NIZOMga muvofiq:

- Tenderda qatnashish uchun takliflar talabgorlar tomonidan axborot tizimi (e-tender.uztrans.uz) orqali taqdim etiladi;

- Aynan bitta avtotransport vositasi bir vaqtning o‘zida bir nechta tugallanmagan lotlarga hamda amaldagi shartnomaga muvofiq yo‘nalishga biriktirilgan avtotransport vositalarining tender taklifi sifatida axborot tizimiga kiritilishiga yo‘l qo‘yilmaydi (shartnomaning amal qilish muddati tugashiga oltmish va undan kam kun qolganida mazkur shartnomada ko‘rsatilgan avtotransportlarning axborot tizimiga kiritilishiga yo‘l qo‘yiladi).

Talabgor tender takliflarini taqdim etishi uchun bazaviy hisoblash miqdorining 30 foizi miqdorida to‘lovni O‘zbekiston Respublikasi Transport Vazirligi hisob raqamiga (ATB Ipoteka bank Chilonzor bo‘limi, h/r: 4014108604262773422967279, bank kodi 00997, STIR: 202811527) o‘tkazib, o‘z tender takliflarini axborot tizimi (e-tender.uztrans.uz) orqali taqdim etishi kerak.

Tender takliflari elektron tarzda belgilangan vaqtgacha topshirilishi ma'lum qilinadi.

Tender takliflari taqdim etilganidan keyin qatnashchilar ularga tuzatish kiritish huquqiga ega emas.

Qatnashchilardan tender bo‘yicha kelib tushgan takliflar axborot tizimi orqali avtomatik tarzda baholanadi.

Tenderni tashkillashtirish bo‘yicha vakolatli organ: O‘zbekiston Respublikasi Transport vazirligi Samarqand viloyati transport boshqarmasi.

Ma’lumot uchun telefon: (+99871) 202-05-00(234).