So‘zangaron, Andijon va Termiz ko‘chalarida 6 ta yo‘nalish tender tanlovlariga chiqarilgan

#Munosabat

 Facebook tarmog‘ida Bahodir Rahmatullayev profili foydalanuvchisi tomonidan Samarqand shahar, So‘zangaron, Andijon va Termiz ko‘chalarida joylashgan mahallalar aholisini jamoat transporti bilan ta’minlash yuzasidan murojaat qoldirilgan.

Mazkur murojaat yuzasidan Samarqand viloyati transport boshqarmasi quyidagilarni ma’lum qiladi.

Murojaatda qayd etilgan 14, 32, 78 va 122-sonli avtobus yo‘nalishida harakatlanuvchi transport vositalari tadbirkorlik subyekti tomonidan to‘xtatilgan.

Mazkur hudud aholisini jamoat transporti qatnovi bilan ta’minlash maqsadida Andijon ko‘chasida 134, 180-sonli, Umar Xayyom nomli ko‘cha bo‘ylab 36, 55^a, 55^b, 64-sonli, Baxtiyor Hamidov nomli ko‘chada 36, 55^a, 55^b, 64, 134, 180-sonli, Termiz ko‘chasi orqali 55^a, 55^b, 134-sonli avtobuslar qatnovini tashkil etish rejalashtirilgan.

Ushbu yo‘nalishlar viloyat transport boshqarmasidan ikki marotaba tender tanlovlariga joylashtirilishiga qaramasdan zamonaviy o‘rta sig‘imli avtobuslar yetishmasligi sabab tashuvchi tadbirkorlik subyektlaridan takliflar kelib tushmagan.

Bugungi kunda jamoat transporti yo‘nalishlariga aholi uchun qulay bo‘lgan keng va o‘rta sig‘imli avtobuslarni joylashtirish maqsadida sohada faoliyat olib borayotgan tadbirkorlik subyektlari tomonidan dunyoning yetakchi avtozavodlari bilan kelishuv shartnomalar imzolandi. Jumladan, yil yakuniga qadar Samarqand shahriga 304 ta avtobus zamonaviy keng va o‘rta sig‘imli elektrobus va avtobuslar olib kelinishi hamda tender tanlovlari asosida yo‘nalishlarga joylashtirilish rejalashtirilgan.

Samarqand viloyati transport boshqarmasi