Tadbirkorlar uchun qabul o'tkazildi

Transport xizmatlarini tashkil etish tizimini yanada takomillashtirish, sohada sog‘lom raqobat muhiti va barcha tadbirkorlik subyektlari uchun qulay shart-sharoitlar yaratish maqsadida Samarqand viloyati transport boshqarmasi boshlig‘i Ravshan Tojiyev tomonidan yo‘lovchi tashish bilan shug‘ullanuvchi tadbirkorlar uchun qabul o‘tkazildi.

Unda qatnashgan tashuvchi korxona rahbarlari o‘zlarini qiynab kelayotgan masalalarga yechim topdi. Jumladan, noqonuniy ravishda yo‘lovchi tashishga barham berish, yangi yo‘nalishlar ochish, yo‘nalishlarda qatnovlar sonin i oshirish kabi muammolar bilan tadbirkorlik subyektlari boshqarma boshlig‘iga yuzlandi.

Tadbirkorlar tomonidan ko‘tarilgan muammolarning aksariyatiga shu yerda yechim topilgan bo‘lsa, ba’zilarini joyiga chiqib o‘rganish bo‘yicha mas’ullarga vazifalar yuklatildi.

Tadbirkorlar bilan bevosita uchrashuvlar samaradorlikni baholash va mavjud muammolarni tahlil qilishning eng samarali vositasi hisoblanadi.