Tramvay harakatining to‘xtashi yuzasidan o‘z vaqtida xabar berilgan

#Munosabat

Joriy yilning 18-iyul sanasida Samarkand&Самаркандцы Telegram guruhida 1-sonli “Temiryo‘l vokzali - Sartepa maskani” yo‘nalishida tramvaylar harakati ogohlantirishsiz to‘xtatilganligi hamda 64-sonli harakatlanuvchi avtobuslar yo‘nalishdan chiqqan holda harakatlanayotganligi yuzasidan murojaat tarqaldi. Holat viloyat transport boshqarmasidan nazoratga olinib, joyiga chiqqan holda o‘rganish o‘tkazildi.

Samarqand shahrining Turkiston-Amir Temur ko‘chasi chorrahasidan Amir Temur-Buyuk ipak yo‘li ko‘chasi chorrahasigacha bo‘lgan qismida yo‘l qurilish va rekonstruksiya qilish ishlari olib borilayotganligi sababli 2024-yil 26-iyun sanasidan boshlab 1-sonli “Temiryo‘l ABB - Sartepa maskani” yo‘nalishdagi tramvaylar harakati ta’mirlash yakuniga qadar to‘xtatilishi yuzasidan ijtimoiy tarmoqlar orqali 2024-yil 25-iyul kuni xabar berilgan.

Shuningdek, boshqarma xodimlari tomonidan o‘tkazilgan kuzatuvlar natijasida aniqlangan kamchiliklar yuzasidan 64-sonli “Siyob ABB - Sartepa maskani” shahar yo‘nalishda xizmat ko‘rsatuvchi “Suxrobtransservis” MCHJda bo‘lishdi.

Unda avtobuslar salonidagi olib tashlangan o‘rindiqlar qayta o‘rnatildi. Texnik ta’mirga muhtoj validatorlar yangisiga almashtirildi. Shuningdek, “Suxrobtransservis” MCHJ rahbar va haydovchilari o‘rtasida yo‘lovchilarga xizmat ko‘rsatish jarayonida xizmat sifatini oshirish yuzasidan tushuntirish ishlari olib borildi. Yo‘l qo‘yilgan kamchiliklarni takrorlamaslik aks holda qonunchilikda belgilangan tartibda choralar ko‘rilishi bo‘yicha barcha birdek ogohlantirildi. 

Bundan tashqari, 28-sonli “So‘g‘diyona maskani-Temiryo‘l vokzali” yo‘nalishidagi avtobuslarda ham validatorlar qayta o‘rnatildi.