“Xo‘jaqishloq” mahallasi aholisini jamoat transporti bilan ta’minlash maqsadida aholi bilan uchrashuv o‘tkazildi

Samarqand shahri aholisini transportga bo‘lgan ehtiyojini qondirish, mahallar kesimida avtobus qatnovini tashkil qilish borasida transport boshqarmasi tomonidan bir qator amaliy ishlar olib borilmoqda. Jumladan, Samarqand shahridagi “Xo‘jaqishloq” mahallasi aholisini jamoat transporti bilan ta’minlash maqsadida aholi bilan uchrashuv o‘tkazildi. Muhokama tarzida o‘tkazilgan mazkur uchrashuvda mahalla oqsoqollari va faollari qatnashib, avtobus qatnovini tashkil qilish orqali aholiga bir qator yengilliklar yaratish borasida fikr almashildi.

 Viloyat transport boshqarmasi boshlig‘i R.Tojiyev tomonidan “Xo‘jaqishloq” mahallasi aholisini transport qatnovi bilan ta’minlash borasida mutaxassislarga bir qator topshiriqlar berildi. Jumladan, hududni kesib o‘tuvchi avtomobil yo‘lining ahvolini o‘rganish, boshqa yo‘nalishlardagi avtobuslarga halaqit bermagan holda yangi yo‘nalish harakat chizmasini ishlab chiqish va tadbirkorlik subyektlariga takliflar berish vazifasi boshqarma mutaxassislariga yuklatildi.