Yo‘lovchiga nisbatan qo‘pol munosabati o‘ziga zarar bo‘ldi

#Munosabat

Ijtimoiy tarmoqlarda 27-sonli “Temiryo‘l ABB - Obod maskan mahallasi” shahar avtobus yo‘nalishida harakatlanuvchi, davlat raqami belgisi 30/879 LBA bo‘lgan transport vositasi haydovchisi tomonidan yo‘lovchiga qo‘pollik qilinganligi yuzasidan murojaat tarqaldi.

Holat yuzasidan 27-raqamli “Temiryo‘l ABB-Obod maskan mahallasi” shahar avtobus yo‘nalishida xizmat ko‘rsatuvchi “Maroqand Trans 777” MCHJ rahbariyati tomonidan haydovchi D.A.ga tushuntirish ishlari olib borildi.

Unda yo‘l harakati qoidalariga so‘zsiz rioya qilish, yo‘lovchilarning hayotini xavf ostida qoldirmaslik, ular bilan samimiy munosabatda bo‘lish lozimligi ta’kidlandi.

Yo‘lovchiga nisbatan qo‘pollik qilganligi uchun haydovchi D.A.ga qonunchilikda belgilangan tarzda intizomiy jazo chorasi qo‘llanildi hamda 10 kun davomida avtosaroyning ichki ishlariga jalb etilishi belgilab qo‘yildi.