ЖАМОАТ ТРАНСПОРТИДАН ФОЙДАЛАНГАНДА ЭЪТИБОР ҚИЛИШ ЛОЗИМ БЎЛГАН ЖИҲАТЛАР

Кейинги кунларда инфекция тарқалиши билан боғлиқ ҳолатнинг кескинлашуви барчага бирдек огоҳ қўнғироғи бўлди, десак айни ҳақиқатдир. Бироқ, ўтказилган кузатувлар шуни кўрсатадики, ҳали-ҳануз жамоат жойларида ҳимоя ниқобисиз юрган ёки уни ияк остига хўжакўрсин учун тақиб олган фуқаролар талайгина. Бу бепарволикми ёки беписандлик? Агар бепарволик деб ҳисобласак, унинг оқибатидан ҳаммамиз хабардормизку?!

Кундалик ташвишлардан бироз чалғиб, атрофга разм солсангиз юқоридаги сўзларимизнинг ҳақиқатга яқин эканлигига амин бўласиз. Бозор дейсизми, дўконлардами ёки шунчаки кўчада ўз ташвиши билан кетаётганларга бир қаранг. Айниқса, карантин қоидаларига риоя қилмаслик ҳолатлари жамоа транспортида қайд этилса, буни ҳеч қандай таъриф билан изоҳлаб бўлмайди. Шунинг учун ҳар бир йўловчидан жамоат транспортидан фойдаланганда карантин қоидаларига тўлиқ амал қилишларини сўраб қолган бўлардик. Чунки аҳоли саломатлиги учун нафақат шифокорлар, балки ҳар биримиз жавобгармиз. “Касални даволагандан кўра, олдини олган афзал” нақлига амал қилиб, ўзимизни ҳимоя қилиш тарзига ўтсак мақсадга мувофиқ бўларди.

Бу борада вилоят транспорт бошқармаси “Автомобилларда ташувлар хавфсизлигини таъминлаш юзасидан назорат қилиш бўлими” инспекторлари имкон қадар барча йўналишдаги автобусларнинг жорий ҳолатини кўздан кечиришмоқда. Асосий эътибор дезинфекциялаш жараёни, автобусларнинг санитар ҳолати, йўловчи ва ҳайдовчининг тиббий ниқобда эканлиги, йўловчи ташиш учун белгиланган ҳужжатларнинг мавжудлигига қаратилаётир.

Шу ўринда йўловчилардан карантин қоидаларига риоя қилишларни сўраб қоламиз.

Ҳурматли йўловчилар! Жамоат транспортидан