“Zarafshon” mahallasi aholisini jamoat transporti bilan ta’minlash maqsadida aholi bilan uchrashuv o‘tkazildi

Samarqand shahri aholisini transportga bo‘lgan ehtiyojini qondirish, mahallar kesimida avtobus qatnovini tashkil qilish borasida transport boshqarmasi tomonidan bir qator amaliy ishlar olib borilmoqda. Jumladan, Samarqand shahridagi “Zarafshon” mahallasi aholisini jamoat transporti bilan ta’minlash maqsadida aholi bilan uchrashuv o‘tkazildi. Muhokama tarzida o‘tkazilgan mazkur uchrashuvda mahalla oqsoqollari va faollari qatnashib, avtobus qatnovini tashkil qilish orqali aholiga bir qator yengilliklar yaratish borasida fikr almashdi.

Viloyat transport boshqarmasi boshlig‘i R.Tojiyev “Zarafshon” mahallasi aholisini transport qatnovi bilan ta’minlash borasida amaliy ishlar olib borilayotganligini, bunda ba’zi avtobuslarning yo‘nalishiga o‘zgartirish kiritish choralari ko‘rilayotganligi yuzasidan mahalla faollariga ma’lumot berdi.