Yengil konstruksiyalik sotuv nuqtalarini tashkil etish maqsadga muvofiq

Samarqand viloyati transport boshqarmasida tashuvchi tadbirkorlar hamda “Avtomatlashtirilgan transport to‘lov tizimi operatori” MCHJ vakili A.Muhammedov ishtirokida validatorlarning uzluksiz ishlashini ta’minlash hamda to‘lovlardan kelib tushgan mablag‘larni o‘z vaqtida taqsimlash yuzasidan muhokama bo‘lib o‘tdi.

Muhokama chog‘ida ATTO yagona transport kartalarini “O‘zbekiston pochtasi” aksiyadorlik jamiyatining Samarqand shahar bo‘limidan tashqari, yo‘lovchi oqimi yuqori bo‘lgan transport o‘tish bog‘lamalarida yengil konstruksiyalik sotuv nuqtalarini tashkil maqsadga muvofiq ekanligi bo‘yicha taklif berildi. Bunday sotuv nuqtalarining tashkil etilishi yo‘lovchilarga bir qator qo‘shimcha qulayliklar yaratilishi aytib o‘tildi.

Bildirilgan taklif va mulohazalar asosida ishlar tashkillashtirilishi ma’lum qilindi.